لاہور(مانیٹرنگ ڈیسک)شالیمار ایکسپریس آج ( اتوار) سے پرائیوٹ پارٹنر شپ کی بجائے دوبارہ ریلوے انتظامیہ کی نگرانی میں چلے گی ۔ چند ماہ قبل ریلوے انتظامیہ نے شالیمار ایکسپریس ٹرین کو پرائیویٹ سیکٹر کے حوالے کر دیا تھا تاہم پرائیویٹ کنٹریکٹر نے چند ماہ ٹرین کو چلانے کے بعد محکمے
کو معاہدے کے تحت دو ماہ قبل ٹرین کو مزید نہ چلانے کے حوالے سے پیشگی نوٹس دے کر آگاہ کر دیا تھا۔ یہ ٹرین آج اتوار سے ریلوے انتظامیہ کی نگرانی میں چلے گی۔ ٹرین لاہور اور کراچی ریلوے اسٹیشن سے بیک وقت صبح چھ بجے روانہ ہوا کرے گی اور رات بارہ بجے منزل پر پہنچے گی۔
