اسلام آباد(مانیٹرنگ ڈیسک)راہ چلتی خواتین کو ہراساں کرنے کے واقعات، پنجاب اسمبلی میں قرارداد جمع کرادی گئی۔ تفصیلات کے مطابق پنجاب اسمبلی میں خواتین کو شاہرائوں پر ہراساں کرنے کے خلاف قرارداد جمع کرا دی گئی ہے۔ قرارداد مسلم لیگ ن کی رکن صوبائی اسمبلی حنا پرویز بٹ کی جانب

سے جمع کرائی گئی۔ قرارداد کے متن میں درج کیا گیا ہے کہ راہ چلتی خواتین کو ہراساں کرنے کے واقعات معمول بن چکے ہیں جس کے باعث والدین اپنی بچیوں کے حوالے سے خوف میں مبتلا ہیں لہٰذا حکومت شاہرائوں پر چلتی خواتین کو ہراساں کئے جانے کے واقعات کا نوٹس لیتے ہوئے سخت کارروائی کرے۔

موضوعات:پنجاب اسمبلی حنا پرویز بٹ قرارداد