اسلام آباد (مانیٹرنگ ڈیسک) پاکستان تحریک انصاف کے وائس چیئرمین شاہ محمود قریشی نے کہا ہے کہ تحریک انصاف کا پیپلز پارٹی کے ساتھ اتحاد کا کوئی امکان دکھائی نہیں دیتا، صدر ٹرمپ کے فیصلے نے دنیا میں بھونچال پیدا کردیا ہے ، اس مسئلے پر پارلیمنٹ میں قومی اتفاق دکھائی دیا لیکن ہمارے وزیر خارجہ اس مسئلے پر اسمبلی میں موجود نہیں تھے ۔جمعرات کو پارلیمنٹ ہاؤس کے باہر میڈیا سے گفتگو کرتے ہوئے شاہ محمود قریشی نے کہا کہ تحریک انصاف کا پیپلز پارٹی کے
ساتھ اتحاد کا کوئی امکان دکھائی نہیں دیتا لیکن کئی مسئلوں پر دونوں جماعتوں میں ہم آہنگی ہو سکتی ہے ۔ پارلیمنٹ میں ہم نے ایک دوسرے کے ساتھ تعاون بھی کیا ہے ۔ انہوں نے کہا کہ صدر ٹرمپ کے فیصلے نے دنیا میں بھونچال پیدا کر دیا ہے ۔ پوری دنیا کے سربراہوں نے اس فیصلے کی مذمت کی ہے ۔ انہوں نے کہا کہ اس مسئلے پر پارلیمنٹ میں آج قومی اتفاق دکھائی دیا ۔ لیکن ہمارے وزیرخارجہ اسلام آباد میں تو موجود تھے لیکن اس اہم مسئلے پر اسمبلی میں موجود نہیں تھے ۔
