حیدر آباد (مانیٹرنگ ڈیسک) حیدر آباد کے قریب ٹنڈو جام کے علاقے میں کار سے خاتون کی جھلسی ہوئی لاش برآمد ہوگئی۔سینئر سپرنٹنڈنٹ پولیس حیدر آباد پیر محمد کے مطابق خیال کیا جارہا ہے کہ خاتون کا قتل کیا گیا اور پھر ان کی لاش کو کار میں ڈال کر سڑک پر لایا
اور پھر گاڑی کو آگ لگادی گئی۔ہسری کے اسٹیشن ہاؤس افسر (ایس ایچ او) ابراہم سموں کے مطابق خاتون کی شناخت سائرہ نصیر کے نام سے ہوئی اور ان کے شوہر کے مطابق ان کا تعلق سیاسی جماعت مسلم لیگ فنکشنل سے تھا۔معاملے کی مزید تحقیقات شروع کر دی گئی ۔
