اسلام آباد(مانیٹرنگ ڈیسک)پاکستانی نڑاد ہونے پر فخر، عمران خان نے میرے خلاف میئر کے الیکشن میں منفی مہم میں حصہ لیا، لندن کے پہلے مسلمان پاکستانی نڑاد میئر صادق خان کا لاہور میں تقریب سے خطاب، پاکستان میں ہونیوالی ترقی کو قابل ستائش قرار دیدیا۔ تفصیلات کے مطابق لندن کے پہلے مسلمان پاکستانی نڑاد میئر صادق خان نے اپنے اعزاز میں لاہور میں ہونیوالی تقریب سے خطاب کرتے ہوئے
کہا کہ پاکستان میں ہونیوالی ترقی قابل ستائش ہے میرے والدین پاکستانی تھے اور مجھے پاکستانی نڑاد ہونے پر فخر ہے۔ برطانیہ میں ایک مسلمان وزیراعظم بھی بن سکتا ہے۔ انہوں نے لندن کے میئر کے انتخابات میں عمران خان کی جانب سے ان کے خلاف مہم چلانے کے حوالے سے کہا کہ میرے خلاف مہم کا حصہ بننا عمران خان کا فیصلہ تھا ، میرے خلاف منفی اور منظم مہم چلائی گئی جس میں عمران خان کا بھی حصہ تھا۔ انہوں نے پاکستان کو ایک عظیم ملک قرار دیتے ہوئے کہا کہ پاکستان ایک عظیم ملک اور یہاں کے لوگ انتہائی با صلاحیت ہیں۔ شاندار استقبال اور عوام کی جانب سے ملنے والی عزت پر پاکستان کا مشکور ہوں۔
