لاہور ( این این آئی) چیئرمین تحریک انصاف عمران خان نے سانحہ ماڈل ٹائون کی رپورٹ کی بناء پر وزیر اعلیٰ پنجاب محمد شہبازشریف اور وزیر قانون رانا ثنااللہ خاں سے فوری مستعفی ہونے کا مطالبہ کردیا۔سماجی رابطے کی سائٹ ٹوئٹر پر اپنی ٹوئٹ میں عمران خان نے کہا کہ باقر نجفی رپورٹ کے انکشافات کے بعد وزیراعلی پنجاب
شہبازشریف اور وزیر قانون رانا ثنااللہ کو پاکستانی شہریوں کے قتل پر فوری مستعفی ہونا چاہیے۔یاد رہے کہ لاہور ہائیکورٹ کی جانب سے سانحہ ماڈل ٹائون پر جسٹس باقر علی نجفی کی انکوائری رپورٹ عام کرنے کا حکم دیا گیا تھا جس پر حکومت نے رپورٹ پبلک کردی ہے۔
