اسلام آباد (مانیٹرنگ ڈیسک)فاروق ستار کی والدہ اور اہلیہ کی بھی سیاست میں باقاعدہ انٹری، کامران ٹیسوری کو منانے کیلئے ان کے گھر پہنچ گئیں۔ تفصیلات کے مطابق فاروق ستار کی والدہ اور ان کی اہلیہ باقاعدہ طور پر سیاست میں آچکی ہیں اور اس سلسلے میں وہ ایم کیو ایم پاکستان کا اہم ٹاسک لے کر کامران ٹیسوری کو منانے کیلئے ان کی رہائش گاہ گئی تھیں۔ واضح رہے کہ کامران ٹیسوری پارٹی سے ناراض ہو کر گھر بیٹھے گئے تھے جن کو منانے کیلئے فاروق ستار کی
والدہ میدان عمل میں آئی اور ان کو منانے کیلئے ان کی رہائش گاہ پہنچیں۔ خیال رہے کہ کچھ دن قبل فاروق ستار کی والدہ اس وقت اچانک سامنے آئی تھیں جب ان کے بیٹے فاروق ستار نے ایم کیو ایم پاکستان اور سیاست سے علیحدگی کا اعلان کر دیا جس پر ایم کیو ایم کے ارکان نے ان کی والدہ سے درخواست کی تھی کہ وہ اپنے بیٹے فاروق ستار کو منائیں کہ وہ اپنا فیصلہ واپس لیں۔ والدہ کے منانے کے بعد فاروق ستار نے ایم کیو ایم پاکستان اور سیاست سے علیحدگی کا اعلان واپس لیا تھا۔
