اسلام آباد(آئی این پی) تحریک انصاف کے مرکزی ترجمان فواد چوہدری نے کہا ہے کہ وزیر مملکت اطلاعات مریم اورنگزیب کوجھوٹ کے علاوہ بولنے کو کچھ میسر نہیں، مریم بی بی کے بیانات سے حقائق بدلنے ہوتے تو میاں صاحب کو اس قدر ذلت نہ اٹھانا پڑتی، لوڈ شیڈنگ کے خاتمے کا دعویٰ سراسر جھوٹ ہے،بیالیس فیصد سے زائد فیڈرز آج بھی لوڈ شیڈنگ کی زد میں ہیں،
پاکستان چند بڑے شہروں کا نام نہیں،جتناجلد پاکستان کو انتخابات کی جانب لیکر جایا جائے اتنا ہی بہترہے۔پیر کو وزیر مملکت اطلاعات مریم اورنگزیب کی احتساب عدالت کے باہر میڈیا سے گفتگو پر ردعمل کا اظہار کرتے ہوئے تحریک انصاف کے مرکزی ترجمان فواد چوہدری نے کہا کہ وزیر صاحبہ کے بیان پر ردعمل سے پہلے ان سے دلی ہمدردی کا اظہار کرتا ہوں،دعاگوہوں کہ اللہ کریم ان کیلئے آسانیاں پیداکریں اور انہیں آزمائش سے نجات دلائیں، جب سے وزارت طوق بن کرانکے گلے میں آئی، جھوٹ کے علاوہ بولنے کو کچھ میسر نہیں۔فواد چوہدری نے کہا کہ مریم بی بی کے بیانات سے حقائق بدلنے ہوتے تو میاں صاحب کو اس قدر ذلت نہ اٹھانا پڑتی، لوڈ شیڈنگ کے خاتمے کا دعویٰ سراسر جھوٹ ہے،بیالیس فیصد سے زائد فیڈرز آج بھی لوڈ شیڈنگ کی زد میں ہیں،پاکستان چند بڑے شہروں کا نام نہیں،ہماری بیشتر آبادی دیہی علاقوں میں رہتی ہے جہاں آج بھی چھ چھ گھنٹے بجلی دستیاب نہیں،صنعتوں پر تالیڈال کر لوڈ شیڈنگ کے خاتمے جیسا کارنامہ نون لیگ کے علاوہ کسی کے بس کی بات نہیں۔
انہوں نے کہا کہ حکومت کی انہی چالوں کے باعث برآمدات اوندھے منہ گررہی ہیں،جتناجلد پاکستان کو انتخابات کی جانب لیکر جایا جائے اتنا ہی بہترہے۔
