اسلام آباد (مانیٹرنگ ڈیسک) پیپلز پارٹی کے سینئر رہنما اعتزاز احسن نے کہا کہ میرا دل بہت زیادہ دُکھا ہوا ہے۔ وہ ایک نجی ٹی وی چینل کے پروگرام میں گفتگو کر رہے تھے انہوں نے بات چیت کے دوران کہا کہ میں اپنی آرمی کو کسی سیاسی جلسے میں پیسے بانٹتے ہوئے دیکھ رہا ہوں، اعتزاز احسن نے کہا کہ میاں نواز شریف کے داماد کیپٹن (ر) صفدر نے ٹی وی پر کہا کہ ان لفافوں میں پانچ پانچ
ہزار روپے تھے فوج نے اس میں سے چار چار ہزار روپے نکال لیے ہیں، انہوں نے کہا کہ کیپٹن (ر) صفدر نے عوام میں پاک فوج پر یہ الزام عائد کیا ہے، اعتزاز احسن نے کہا کہ مذہبی اجتماع میں گالیاں دی گئی ہیں جبکہ لاہور والے تو بہت شائستہ زبان الفاظ استعمال کر رہے ہیں، ان کا کہنا تھا کہ میرا خیال ہے کہ کور کمانڈر لاہور ہی وہاں کا دھرنا ختم کرانے میں شہباز شریف کی مدد کریں گے۔
