اسلام آباد (مانیٹرنگ ڈیسک) پاکستان تحریک انصاف کے چیئرمین عمران خان نے عثمان ڈار کی جعلی ڈگری کے متعلق پوچھے گئے سوال کا حیران کن جواب دیا، تفصیلات کے مطابق تحریک انصاف کے چیئرمین عمران خان سے پریس کانفرنس کے دوران عثمان ڈار کی جعلی ڈگری سے متعلق سوال کیا جو کہ ان کے ساتھ بیٹھے ہوئے تھے، صحافی نے پوچھا کے ان کی جعلی ڈگری کے متعلق آپ کا کیا خیال ہے، عثمان ڈار اس کا جواب خود دینا چاہتے تھے
مگر عمران خان نے انہیں روکتے ہوئے خود جواب دیا اور کہا کہ عثمان ڈار ابھی پبلک آفس ہولڈر نہیں ہیں نہ ہی عثمان ڈار کے پاس کوئی وزارت موجود ہے، جب عثمان ڈارکی باری آئے گی تو اس سے سوال بھی کرنا لیکن پہلے موجودہ وزیر جواب دیں، تحریک انصاف کے چیئرمین عمران خان نے کہا کہ خواجہ آصف کے پاس دبئی کا اقامہ ہے اور وہ دبئی میں 17لاکھ روپے تنخواہ وصول کر رہے ہیں، انہوں نے کہا کہ اقامہ منی لانڈرنگ کا ہی طریقہ کار ہے۔
