اسلام آباد (مانیٹرنگ ڈیسک)تحریک لبیک کا دھرنا ختم ہونے کا سن کر شکرانے کے نوافل ادا کئے، عمران خان کا پریس کانفرنس سے خطاب۔ تفصیلات کے مطابق پریس کانفرنس سے خطاب کرتے ہوئے چیئرمین تحریک انصاف عمران خان کا کہنا تھا کہ صبح اٹھ کر پتہ چلا کہ فیض آباد دھرنے کا مسئلہ حل ہو گیا ہے تومیں نے شکرانے کے نوافل ادا کئے۔
ان کا کہنا تھا کہ وزیر قانون نے دو مرتبہ ایوان میں کہا کہ کوئی ترمیم نہیں ہوئی اور پھر یہ بھی کہا گیا ہے کہ حلف نامے میں ترامیم پر تمام جماعتیں شریک تھیں، یہ بہت بڑا جھوٹ ہے۔انہوں نے کہا کہ ختم نبوتﷺ کے قانون میں ترامیم کے پیچھے ملوث افراد کے نام جلد سامنے لائے جائیں کیونکہ ذمہ داروں کا تعین ہونے سے معاملہ حل ہو جائے گا۔
