اسلا م آباد(مانیٹرنگ ڈیسک)تحریک انصاف کا نیب کو قطری شہزادے تک رسائی کامطالبہ، قطری شہزادہ حماد بن جاسم جاتی امرا میں ایل این جی ڈیل کے سلسلے میں آیا، فواد چوہدری کا میڈیا سے گفتگو میں دعویٰ۔ تفصیلات کے مطابق پانامہ کیس کے اہم کردار قطری شہزادے حماد بن جاسم کی پاکستان آمد کے موقع پر تحریک انصاف کے ترجمان فواد چوہدری نے میڈیا سے گفتگو کرتے ہوئے کہا ہے کہ نیب قطری شہزادے تک رسائی حاصل کرے، جب
جے آئی ٹی قطری شہزادے کو پاکستان بلاتی رہی تب سکیورٹی کا بہانہ بنایا گیا اب اچانک سکیورٹی خدشات کیسے ختم ہو گئے۔ انہوں نے دعویٰ کرتے ہوئے کہا ہے کہ جاتی امرا میں نواز شریف اور قطری شہزادے حماد بن جاسم کےمابین ایل این جی ڈیل ہونے جا رہی ہے ۔ واضح رہے کہ آج صبح قطری شہزادے حماد بن جاسم اچانک 13رکنی وفد کے ہمراہ پاکستان پہنچے ہیں اور ان کی جاتی امرامیں نواز شریف کیساتھ ملاقات جاری ہے۔
