راولپنڈی(مانیٹرنگ ڈیسک) جمعے کا دن اللہ تعالی کی طر ف سے مسلمانوں کیلئے تحفہ ہے، یہ نہائیت مقدس، بابرکت اور پُر فضیلت دن ہے۔اسی دن حضرت آدم کی پیدائش ہوئی اور جمعے کے دن ہی دنیا کا خاتمہ ہوگا،منیجنگ ڈائریکٹر پاکستان ٹورازم چوہدری عبدالغفور خان نے بلیک فرائیڈے منانے پر شدید تنقید کی اور میڈیا سے گفتگو کرتے ہوئے کہا کہ صرف اپنے

کاروبار کو چمکانے کیلئے مغربی تقلید میں جمعے جیسے بابرکت دن کو بلیک فرائیڈے منسوب کرنا ایک مذموم حرکت ہے۔ جمعے کا دن اللہ تعالی کی طر ف سے مسلمانوں کیلئے تحفہ ہے، یہ نہائیت مقدس، بابرکت اور پُر فضیلت دن ہے۔اسی دن حضرت آدم کی پیدائش ہوئی اور جمعے کے دن ہی دنیا کا خاتمہ ہوگا۔ بلیک فرائیڈے منانا قظعاًبے معنی ہے۔ کاروباری حضرات اپنے کاروبار کی وسعت اور پبلسٹی یا سیل وغیرہ کیلئے دوسرے طریقے بھی استعمال کر سکتے ہیں۔ اسلام غیر مذاہب کے تہوار منانے کی اجازت نہیں دیتا۔ انہوں نے علما و مشائخ سے درخواست کی کہ وہ دیگر معاملات کے ساتھ ساتھ جمعے کے دن کو غلط ناموں سے منسوب کرنے اور اپنے ذاتی مقاصد کیلئے استعمال کرنے کے خلاف بھی احتجاج کریں۔ چوہدری عبدالغفور نے مزید کہا کہ سوشل میڈیا پر لوگ بغیر سوچے سمجھے اور کسی معاملے پر ریسرچ کیے بغیر اندھی تقلید شروع کر دیتے ہیں۔ویلنٹائن اور بلیک فرائیڈے جیسے نام نہاد تہواروں کا اسلام میں کوئی تصور نہیں۔ ہمارے دینی تہواروں کی خوبصورتی ہے کہ یہ اللہ کی عبادت سے شروع ہوتے ہیں۔ نمازِ جمعہ مسلمین کیلئے عید کی نماز کی طرح ہے اور ہم پر اس کا احترام واجب ہے۔ بلیک فرائیڈے کا نام بھی لینا اس بابرکت دن کا مزاق اڑانے کے مترادف ہے۔