کراچی،دبئی(مانیٹرنگ ڈیسک) سابق گورنر سندھ عشرت العباد نے کہا کہ ایم کیو ایم اور پی ایس پی کا ملنا اچھی بات ہے،ماضی میں مختلف جماعتوں کو ایک میز پر بیٹھانے کی کوشش کی تاکہ ہم آہنگی پیدا ہو، لیکن میں اس میں کوئی کردار نہیں،پارٹی سربراہی کے متعلق خبریں غلط ہیں، پرویز مشرف کی اپنی پارٹی ہے اور وہ اپنی پارٹی پر توجہ دے رہے ہیں۔بدھ کو ایم کیو ایم اور پی ایس پی کے

اتحاد پر نجی ٹی سے گفتگو کرتے ہوئے سابق گورنرسندھ عشرت العباد نے کہا کہ ایم کیو ایم اور پی ایس پی کا ملنا اچھی بات ہے،میرا حالیہ دنوں میں کسی سے کوئی رابطہ نہیں ہوا،دونوں جماعتیں اگرایک ہونے کی بات کرتی ہیں تو اچھا ہے، انہوں نے کہا کہ اچھی بات ہے کہ یہ مل رہے ہیں اور ساتھ بیٹھ رہے ہیں ماضی میں مختلف جماعتوں کو ایک میز پر بیٹھانے کی کوشش کی تاکہ ہم آہنگی پیدا ہو باض اوقات انسان اپنے کردار کا تعین نہیں کرپاتا، وقت کرتا ہے، انہوں نے کہا کہ منظور وسان سے رابط ہے منظور وسان نے خواب دیکھا ہے، تو بندابھی دیکھا ہو گا، منظور وسان نے خواب میں مجھے نہیں دیکھا ہوگا،لڑنے کا کوئی فائدہ نہیں، دونوں طرف کی قیادت کا امتحان ہوگا، یہ دونوں طرف کی لیڈر شپ کا بھی امتحان ہوگا۔ ماینڈ سیٹ کو بدلنا بہت مشکل مرحلہ ہوتا ہے، سابق گورنر نے کہا کہ ماضی میں جب ایم کیو ایم حقیقی بنائی گئی تو بہت عرصے بعد اسے لوگوں نے قبول کیا، پارٹی سربراہی کے متعلق خبریں غلط ہیں۔ پرویز مشرف کی اپنی پارٹی ہے، پر وہ اپنی پارٹی پر توجہ دے رہے ہیں۔قیادت عوام کی خواہش پر ہوتی ہے،ڈاکٹر عشرت العباد نے کہا کہ ممکنہ قیادت کے لیے ذہنی طورپر تیار نہیں ہوں۔میرا نہیں خیال کہ یہ سب میرے لیے ہورہاہے یہ بہتری کی جانب اچھاقدم ہے، کراچی نے پہلے ہی بہت مشکل حالات دیکھے ہیں۔ فسادات کی وجہ سے کراچی میں نقصان ہوا ہے۔

موضوعات:عشرت العباد