اسلام آباد(مانیٹرنگ ڈیسک)مائرہ خان اور رنبیر کپور کی سگریت نوشی کرتی تصاویر کا ہنگامہ ابھی سوشل میڈیا پر تھما نہیں کہ معروف خاتون صحافی بھی میدان میں آگئیں ، شاہد آفریدی کی ایسی تصاویر اپ لوڈ کر دی کہ نیا طوفان شروع ہو گیا۔ تفصیلات کے مطابق نواز شریف کی جی ٹی روڈ ریلی کی کوریج کی وجہ سے نوکری سے ہاتھ دھونے والی اینکر پرسن ڈاکٹر فضا اکبر خان نے مائرہ خان کی رنبیر کپور کیساتھ تصاویر کے ساتھ شاہد آفریدی کی ایک پرانی تصویر
شیئر کی ہے جس میں دیکھا جا سکتا ہے کہ شاہد آفریدی گرائونڈ میں صرف انڈر وئیر میں دکھائی دے رہے ہیں اور ٹرائوزر نیچے کر کے شرٹ درست کر رہے ہیں۔ ڈاکٹر فضا نے تصاویر کے ساتھ اپنے پیغام میں لکھا ہے کہ ’’کیا تضاد ہے؟آفریدی نے مائرہ خان سے زیادہ شرمناک کام کیا!ہمیشہ عورت پر ہی تنقید کیوں؟‘‘۔خاتون صحافی کی جانب سے تصاویر شیئر کرنے پر سوشل میڈیا پر ایک نئی بحث چھڑ چکی ہے اور صارفین کی جانب سے ملا جلا ردعمل سامنے آرہا ہے۔
