اسلام آباد(مانیٹرنگ ڈیسک)مریم نواز جیوز نیوز کے اینکر اور سینئر صحافی طلعت حسین کے غیر متوقع سوال پر گڑبڑا گئیں، کیا کونسے، نہیں سے سوالات کے جوابات اور چہرے کا رنگ تبدیل ہو گیا۔ تفصیلات کے مطابق جیو نیوز کے اینکر اور سینئر صحافی طلعت حسین مریم نواز کا انٹرویو لے رہے تھے کہ اس دوران اپنے مخصوص نہایت پر اعتماد اور عاجزانہ انداز میں

ایک سوال کا جواب دیتے ہوئے مریم نواز نے کہا کہ طلعت صاحب اگر یہ کہا جائے کہ حلقہ این اے 120کے عوام نے انتخابی مہم چلائی تو یہ غلط نہ ہو گا جس پر طلعت حسین نے اچانک غیر متوقع سوال کرتے ہوئے کہا کہ عوام نے یا فنڈز نے ؟جس پر مریم نواز ان کے اس غیر متوقع سوال در سوال پر گڑبڑا گئیں اور فوری طور پر خود کو سنبھالتے ہوئے طلعت حسین پر سوال داغ دیا کہ کونسے فنڈز؟جس پر طلعت حسین نے کہا کہ آپ کا کیا خیال ہے کہ نوٹ ہوا سے گرتے ہیں ، یہ جلسے ، جلوس، ریلیاں، اجتماعات اور ان میں گاڑیاں یہ سب کہاں سے آتا ہے جس پر مریم نواز کے لہجے میں تیزی آگئی اور انہوں نے جواب دیتے ہوئے کہا کہ یہ سب وہاں کے لوکل مسلم لیگ ن کے ورکرز نے کیا اس میں کسی قسم کا سرکاری فنڈ استعمال نہیں ہوا جس پر طلعت حسین کا کہنا تھا کہ سرکاری فنڈ ہی تو تھا ،لائوڈسپیکر تک سرکاری فنڈ کے تھے ۔ مریم نواز کے لہجے کا روایتی تحمل اس موقع پر جواب دے گیا اور انہوں نے طلعت حسین کے بے لاگ اور دبنگ سوال کا جواب دیتے ہوئے کہا کہ لائوڈ سپیکر میری گاڑی کی چھت پر لگا ہوتا تھا اور میں مائیک سے خطاب کرتی تھی، یہ سب حلقہ این اے 120کے مالی اعتبار سے مضبوط ورکرز اور کارکنان نے کیا۔ کسی بھی قسم کا سرکاری فنڈ استعمال نہیں ہوا ، بتایا جائے کہ کونسا سرکاری فنڈ ن لیگ کی انتخابی مہم میں استعمال کیا گیا۔ طلعت حسین کے چبھتے ہوئے سوالات کے جوابات میں مریم نواز نے مزید کیا کہا۔۔ویڈیو ملاحظہ کریں!