اسلام آباد (مانیٹرنگ ڈیسک)گزشتہ روز سپریم کورٹ میں پانامہ نظر ثانی اپیلوں کی سماعت کے دوران عدالت نے عوامی مسلم لیگ کے سربراہ شیخ رشید کی سرزنش کرتے ہوئے انہیں کیس کی حد تک دلائل دینے کا کہہ دیا۔ تفصیلات کے مطابق جمعہ کے روز سپریم کورٹ میں پانامہ نظر ثانی اپیلوں کی سماعت کے دورانپانچ رکنی لارجر بنچ کے سربراہ جسٹس آصف سعید کھوسہ نے شیخ رشید احمد کو دوران دلائل غیر متعلقہ گفتگو سے ٹوک دیا۔ شیخ رشید احمدنے اپنے دلائل دیتے ہوئے شریف خاندان پر الزام عائد کیا کہ
عدالتی فیصلوں کے خلاف پولیس کو سادہ کپڑوں میں سڑکوں پر لایا گیا، ادارے ٹھیک ہوں تو جمہوریت کو کوئی خطرہ نہیں ہوتاجس پر جسٹس آصف سعید کھوسہ نے انہیں ٹوکتے ہوئے ہدایت کی کہ آپ الزامات نہ لگائیں بلکہ اپنی درخواست سے متعلق دلائل دیں،کیس سے غیر متعلق گفتگو سے گریز کرتے ہوئے عدالتی احترام کا خیال رکھا جائے جس پر شیخ رشید نے دلائل دیتے ہوئے کہا کہ یبیہ کیس ہی تمام کرپشن کی ماں ہے، حدیبیہ سے ہی فلیٹ سمیت تمام مقدمات نکلے جب کہ عدالت میں بیان دے کر نیب حکام مکر گئے ہیں۔
