اسلام آباد (این این آئی)پاکستان تحریک انصاف فاؤنڈر گروپ نے جاوید انتظار کو حلقہ این اے 48سے اپنا امیدوار قومی اسمبلی نامزد کر دیا ۔یہ فیصلہ پی ٹی آئی فاؤنڈر گروپ فیڈرل کیپٹل کی تنظیمی کمیٹی کے اجلاس میں کیا گیا ۔جاویدانتظار نے کہا کہ کارکنان بیک وقت تنظیم ورکنیت سازی اور قومی انتخابات کی تیاری کریں ۔اس ضمن میں آئندہ چند روز میں عوامی رابطہ کمیٹیاں تشکیل دے دی جائیں گی ۔

فاؤنڈر گروپ سے امیدوار لانے کا فیصلہ تحریک انصاف کے غیر جمہوری طرز عمل کی وجہ سے کیا گیا ۔ہم کئی سالوں سے تحریک انصاف میں جمہوریت اور احتساب کا مطالبہ کر رہے ہیں ۔لیکن عمران خان آمرانہ طرز عمل سے پیچھے ہٹنے کا نام نہیں لے رہے ۔ہم مزاحمتی سیاست کے ذریعے اپنا جمہوری مؤقف واضح کر رہے ہیں۔ عمران خان سے سرمایہ دارؤں اور انتخابی گھوڑوں سے ہاتھ ملا لیا جس کی وجہ سے تحریک انصاف کا بنیادی منشور اور نظریہ بری طرح مجروح ہوا ہے ۔نظریاتی کارکن پارٹی آئین کی خلاف ورزی کیوجہ سے نظر انداز ہو رہے ہیں۔۔

موضوعات:پاکستان تحریک انصاف