پشاور(این این آئی)انسپکٹر جنرل آف پولیس خیبر پختونخوا صلاح الدین خان نے ڈیپارٹمنٹل سلیکشن کمیٹی کی سفارشات کی روشنی میں14اسسٹنٹ گریڈکلرکس اور سٹینو گرافروں کو آفس سپرنٹنڈنٹ کے عہدوں پر ترقی دی ہے جس کا باقاعدہ اعلامیہ بھی جاری کر دیاگیا۔ ڈیپارٹمنٹل سلیکشن کمیٹی کا ایک اجلاس منعقدہ ہوا تھا۔ جسمیں اسسٹنٹ گریڈ کلرکوں اور سٹینو گرافروں کی آفس سپرنٹنڈنٹ کے عہدوں پر ترقی پانے کے لیے کیسوں کا جائزہ

لیا گیا تھا۔ اجلاس میں14اسسٹنٹ گریڈ کلرکوں اور سٹینو گرافروں کی ترقی کے سفارشات منظوری کے لیے آئی جی پی کو بھیجوا دی گئی تھیں۔ آئی جی پی نے کمیٹی کی سفارشات کی آج باقاعدہ منظوری دی جس کی روشنی میں اسسٹنٹ گریڈ کلروں اور سٹینوگرافروں کی ترقی کا نوٹیفکیشن بھی جاری کر دیاگیا جو فوری طور پر نافذالعمل رہے گا۔ اسسٹنٹ گریڈ کلرکس /سٹینوں گرافروں سے آفس سپرنٹنڈنٹ کے عہدوں پر ترقی پانے والوں میں عماد الدین، محمد عمران، محمد طارق، ریاض محمد، احمد غنی، محمد ظاہر شاہ، امجد علی، عالمزیب، وحید جان، رحمت اللہ، ساجد حسین شاہ، عبدالبشیر، فضل سبحان اور ماصل خان شامل ہیں۔