شیخوپورہ (آئی این پی)پنجابی زبان کے شیکسپیئر صوفی شاعر سید پیر وارث شاہ کے سالانہ عرس مبارک کی تین روزہ تقریبات شیخوپورہ کے نواحی قصبہ جنڈیالہ شیرخاں میں کل 15 ستمبر بروز جمعہ کو شروع ہوں گی ،ان تین روزہ تقریبات میں ملک بھر سے لاکھوں افراد شرکت کریں گے اس موقع پر ہیر خوانی کی محفلیں لگائی جائیں گی مقابلہ ہیر خوانی میں پہلے دوسرے اور تیسرے نمبر پر آنے والے افراد میں انعامات تقسیم کئے جائیں
گے ڈی سی او ارقم کی طرف سے 16 ستمبر کو ضلع بھر میں عام تعطیل کا اعلان کیا گیا ہے ڈی پی او سرفراز احمد ورک کی طرف سے سیکیورٹی کے فول پروف انتظامات کئے گئے ہیں۔
