انقرہ (آئی این پی ) وزیر خارجہ خواجہ محمد آصف اعلیٰ سطحی وفد کے ہمراہ روزہ دورے پر تہران سے ترکی پہنچ گئے۔ جہاں انہوں نے ترک وزیر اعظم بن یلدرم سے ملاقات کی جس میں دوطرفہ تعلقات اور باہمی دلچسپی کے امور پر تبادلہ خیال کیا گیا ۔ وزیر خارجہ اپنے دورے کے دوران وہ ترک صدر رجب طیب اردوان اور اپنے ترک ہم منصب سے ملاقات کریں گے۔فریقین افغانستان اورمقبوضہ کشمیر میں بڑے پیمانے پر انسانی
حقوق کی خلاف ورزیوں ، روہنگیا مسلمانوں کے خلاف مظالم اور باہمی دلچسپی کے دیگر معاملات سمیت دوطرفہ اور علاقائی امور پر تبادلہ خیال کریں گے۔
