لاہور(آئی این پی ) وزیراعلی پنجاب شہباز شریف نے ورلڈ الیون کو پاکستان آمد پر خوش آمدید کہتے ہوئے کہا ہے کہ عالمی کرکٹرز کی پاکستان آمد کھیل کے میدان میں ایک تازہ ہوا کے جھونکے کی مانند ہے ،پاکستان میں کھیلوں کے میدان ایک بار پھر آباد ہوجائیں گے۔ منگل کو اپنے ایک بیان میں وزیراعلی پنجاب شہبازشریف نے آزادی کپ میں شرکت کے لئے آنے والے ورلڈ الیون کے تمام کھلاڑیوں کو خوش آمدید کہا ہے اور کہا ہے کہ

ورلڈ الیون کے عالمی کرکٹرز کی آمد سے پاکستان میں کھیلوں کے میدان ایک بار پھر آباد ہوجائیں گے، جو پاکستانی قوم کے لئے تازہ ہوا کے جھونکے کی مانند ہے۔وزیراعلی پنجاب نے کہا دورہ ورلڈ الیون کی لاہور آمد سے پاکستان میں بین الاقوامی کھیلوں کی راہ ہموار ہوگی۔