رحیم یار خان (آئی این پی )رحیم یار خان شادی میں جانے والی باراتیوں سے بھری وین ٹریکٹر ٹرالی سے ٹکرا گئی جس کے نتیجے میں 2 افراد جاں بحق اور 20 شدید زخمی ہو گئے۔ پیر کو پنجاب کے ضلع رحیم یار خان میں شادی کیلیے جانے والی باراتیوں کی وین تیز رفتاری کے باعث راستے میں کھڑی ٹریکٹر ٹرالی سے ٹکرا گئی جس کے نتیجے میں 2 افراد جاں بحق جب کہ 20 شدید زخمی ہو گئے جنہیں فوری طبی امداد کے لیے

شیخ زید اسپتال منتقل کردیا گیا ہے۔ریسکیو ذرائع کے مطابق حادثے میں 2 افراد موقع پر ہی جاں بحق ہوگئے تھے جبکہ 20 زخمیوں کو شیخ زید اسپتال منتقل کردیا جن میں سے 6 زخمیوں کی حالت نازک بتائی جا رہی ہے۔