کراچی(این این آئی)پاکستان پیپلزپارٹی کراچی ڈویژن کے صدراورسابق وفاقی مشیر پیٹرولیم ڈاکٹرعاصم حسین علاج کی غرض سے لندن روانہ ہوگئے ہیں۔تفصیلات کے مطابق اربوں روپے کی کرپشن اوردہشت گردوں کی سہولت کاری کے مقدمات میں نامزد ڈاکٹرعاصم حسین اتوار کی صبح جناح انٹرنیشنل ایئرپورٹ سے غیرملکی پرواز ای کے 601سے علاج کے لیے لندن روانہ ہوگئے ہیں۔

خیال رہے کہ سندھ ہائی کورٹ نے 15 اپریل 2017 کو ڈاکٹرعاصم حسین کو علاج کے لیے بیرون ملک جانے کی اجازت اور سپریم کورٹ نے 29 اگست کو حکومت سے ان کا نام ای سی ایل لسٹ سے نکالنے کی ہدایت کی تھی۔ائرپورٹ پر میڈیا سے گفتگو کرتے ہوئے ڈاکٹرعاصم حسین نے کہاکہ پاکستان میرا گھر ہے واپس ضرور آؤں گا۔واپسی کب ہوگی کے سوال کے جواب میں انہوں نے کہا پاکستان میرا گھر ہے ضرور واپس آؤں گا، ابھی تو فی الحال علاج کرانے کے لیے جارہاہوں پہلے اپنا علاج کراؤں گا پھر دوسروں کا علاج کروں گا۔

موضوعات:ڈاکٹرعاصم حسین