اسلام آباد (این این آئی)سابق وزیر داخلہ چوہدری نثار علی خان نے کہاہے کہ نواز شریف کی رخصتی میں فوج کا کوئی کردار نہیں ٗ سپریم کورٹ اور فوج سے محاذ آرائی کا راستہ غلط ہے ۔نجی ٹی وی سے گفتگو کرتے ہوئے انہوں نے کہاکہ فوج سے ہماری کوئی لڑائی نہیں نہ فوج کا نواز شریف کی رخصتی میں کوئی کردار ہے۔
انہوں نے کہاکہ محاذ آرائی سے ہم اپنی پوزیشن بہتر نہیں بلکہ کمزور کریں گے۔ محاذ آرائی کا مشورہ دینے والے لوگ پارٹی میں اقلیت میں ہیں۔چوہدری نثار نے پارٹی قیادت کو انتباہ کیا کہ محاذ آرائی سے کوئی سیاسی مقاصد حاصل نہیں ہو سکتے۔