اسلام آباد (مانیٹرنگ ڈیسک) سابق نااہل وزیراعظم نواز شریف کی اہلیہ جو کینسر کے علاج کیلئے بیرون ملک مقیم ہیں کی-معروف اخبار کے مطابق فیملی کے قریبی ذرائع نے یہ انکشاف کیا ہے کہ کلثوم نواز کی صحت میں تیزی سے بہتری آ رہی ہے اور شاید اسی خوشی میں انہوں نے لندن کے ایک کیفے میں کھانا بھی تناول کیا۔ شریف فیملی کے خاندانی
ذرائع نے بتایا کہ گلے کے کینسر کے کامیاب آپریشن کے بعد کلثوم نواز کی صحت دن بدن بہتر ہوتی جا رہی ہے جو تمام اہل خانہ کیلئے خوشی کا باعث ہے۔ خاندانی ذرائع کے مطابق بیگم کلثوم نواز نے لندن کے ایک ہوٹل میں اپنے بچوں کے ہمراہ کھانا کھایا جس کے بعد یہ توقع کی جا رہی ہے کہ وہ جلد از جلد پاکستان آ کر انتخابی تیاریوں میں بھرپور حصہ لیں گی۔
