اسلام آباد (این این آئی) محکمہ موسمیات نے کہا ہے کہ راولپنڈی اسلام آباد سمیت ملک کے بالائی علاقوں میں چند مقامات پر تیز ہواؤں اور گرج چمک کے ساتھ بارش کا امکان ہے۔ محکمہ موسمیات کے مطابق آئندہ 24گھنٹوں کے دوران پشاور، ہزارہ،کوہاٹ، سرگودھا، مالاکنڈ، راولپنڈی، فیصل آباد ڈویژن، اسلام آباد اورکشمیر

میں کہیں کہیں جبکہ لاہور، گوجرانوالہ ڈویژن، فاٹا اور گلگت بلتستان میں چند مقامات پر تیز ہواؤں اور گرج چمک کے ساتھ بارش کا امکان ہے۔آئندہ 48گھنٹوں کے دوران ملک کے بیشتر علاقوں میں موسم گرم اور مرطوب رہے گا تاہم مالاکنڈ، ہزارہ، پشاور،کوہاٹ، راولپنڈی،سرگودھا، فیصل آباد، لاہور، گوجرانوالہ ڈویژن، اسلام آباد، فاٹا، کشمیراور گلگت بلتستان میں چند مقامات پر تیز ہواؤں اور گرج چمک کے ساتھ بارش کا امکان ہے۔ گزشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا۔