کراچی(این این آئی)مسافروں کے شدید احتجاج پر پی آئی اے کی پرواز کو رن وے سے واپس بلانا پڑا ، مسافروں نے طیارے میں دو خطرناک قیدیوں کی موجودگی پر احتجاج کیا تھا۔پی آ ئی اے کی کراچی سے اسلام آ باد پرواز پی کے 308پر جمعرات کے روز دو خطرناک قیدیوں کو بھی اسلام آ باد لے جایا جا رہا تھا۔

مسافروں کو اس بات کا علم ہوا تو انہوں نے طیارے میں شدید احتجاج شروع کردیا جس پر پرواز کو رن وے سے واپس بلا لیا گیا اور دونوں قیدیوں کو طیارے سے اتار دیا گیا۔ بعد میں پرواز تقریبا نصف گھنٹے تاخیر سے اسلام آ باد روانہ ہوئی ۔ایئر لائن ترجمان کے مطابق معاملے کی انکوائری کی جا رہی ہے۔