لاہور( این این آئی )حلقہ این اے 120میں ہونے والے ضمنی انتخاب کی ڈور ٹو ڈور مہم کے دوران پیپلز پارٹی کے امیدوار فیصل میر کا پاؤں کھلے گٹر میں دھنس گیا۔گزشتہ روز پیپلز پارٹی کے امیدوار فیصل میردیگر رہنماؤں کے ہمراہ اپنی انتخابی مہم کیلئے حلقے میں ڈور ٹومہم چلا رہے تھے کہ اچانک ان کا پاؤں ایک کھلے

گٹر میں دھنس گیا جس سے ان کے پاؤں اور کپڑوں پر کیچڑ لگ گیا ۔رہنماؤں نے قریب واقع واٹر فلٹریشن پلانٹ سے پانی حاصل کرنے کی کوشش کی لیکن اس میں پانی نہیں آرہا تھا جس کے بعد ایک گھر سے پانی مانگ کر فیصل میر کے پاؤں اور کپڑوں پر لگا ہوا کیچڑ کو دھویا گیا ۔