لاہور (مانیٹرنگ ڈیسک)نا اہل سابق وزیر اعظم نواز شریف کا ایک جملہ ’’مجھے کیوں نکالا؟‘‘ خاص و عام سب میں مشہور ہو گیا ہے اور مذکورہ جملے کی شہرت کے بعد جہاں اس کی مختلف ٹی شرٹس اور سٹکرز وغیرہ مارکیٹ میں دستیاب ہیں وہیں ایک قلفی نے بھی مارکیٹ میں انٹری دی ہے۔ تفصیلات کے مطابق ’’مجھے کیوں نکالا؟‘‘ نامی قلفی نے میڈیا کی توجہ حاصل کر لی ہے۔ ایک قلفی فروش کی ریڑھی پر ’’مجھے کیوں

نکالا؟‘‘ نامی قلفی فروخت کی جا رہی ہے اور اس کی تصویر سوشل میڈیا پر بھی وائرل ہو چکی ہے۔ یہ قلفی 10،20اور 30 روپے کے مختلف ریٹس میں عوام کیلئے دستیاب ہے۔ واضح رہے کہ سابق وزیر اعظم میاں محمد نواز شریف اپنی نا اہلی کے بعد ریلی کی صورت میں لاہور آتے ہوئے ایک جگہ اپنی تقریر میں درد بھرے انداز میں پوچھا کہ مجھے کیوں نکالا؟ اس کے بعد یہ جملہ پاکستان بھر میں شہرت حاصل کر گیا۔

موضوعات:قلفی مجھے کیوں نکالا