اسلام آباد(مانیـٹرنگ ڈیسک)قربانی کے جانوروں کے شو میںجانوروں کے سامنے مجرا کرنے والی اداکارہ میگھا نکلی، اسلامی شعار کی دھجیاں اڑانے پر بھی شرمندگی کا نام و نشان نہیں، نجی ٹی وی پروگرام میں عجیب توجہیات پیش کرتی رہیں۔ تفصیلات کے مطابق قربانی کے جانوروں کے ساتھ کیٹ واک اور رقص کرنے والی اداکارا میگھا نکلی، اسلامی شعار کی دھجیاں اڑانے
پر بجائے شرمندگی کے عجیب توجیہات پیش کرتے ہوئے نجی ٹی وی پروگرام میں میگھا کا کہنا تھا کہ سوشل میڈیا پر میرے خلاف من گھڑت خبریں پھیلائی گئی ہیں، قربانی کے جانوروں کے ساتھ کیٹ واک کے دوران رقص نہیں کیا۔کیٹ واک کے دوران وہاں موجود مداحوں کو ہاتھ ہلا کر ان کی داد کا جواب دیتی رہی ہوں۔ واضح رہے کہ چند دن قبل سوشل میڈیا پر ایک ویڈیو منظر عام پر آئی تھی جس میں دیکھا جا سکتاتھا کہ قربانی کے جانوروں کا شو منعقد کیا گیا ہے جس میں معروف سٹیج اداکارائیں اور رقاصائوں کو مدعو کیا گیا تھا جنہوں نے نہ صرف قربانی کے جانوروں کے ساتھ کیٹ واک کی بلکہ وہاں جانوروں کے سامنے موسیقی پر ڈانس بھی کیا جس پر شدید عوامی ردعمل سامنے آیا اور اسے خلاف اسلام فعل قرار دیتے ہوئے شدید تنقید کا نشانہ بنایا گیا ۔ اس شو میں اداکارہ میگھا بھی شامل تھیں جو قربانی کے جانور کے ساتھ کیٹ واک کرتے ہوئے رقص بھی کر رہی تھیں۔ ٹونٹی فور نیوز کے پروگرام میں گفتگو کرتے ہوئے میگھا نے تمام الزامات کو یکسر مسترد کرتے ہوئے اپنی بیہودہ حرکت کو خلاف اسلام قرار دینے پر شدید ردعمل دیتے ہوئے قربانی کے جانوروں کے سامنے رقص کرنے سے ہی انکار کر دیا ۔ ان کا کہنا تھا کہ وہ وہاں موجود اپنے مداحوں کی داد کا جواب ہاتھ ہلا کر دے رہی تھیں۔ انہوں نے اس حوالے سے مزید کیا اور ویڈیو میں وہ کیا کرتی رہیں۔۔ویڈیو ملاحظہ کریں
