اسلام آباد (مانیٹرنگ ڈیسک ) سید صمصام بخاری کو تحریک انصاف سے واپس پیپلزپارٹی میں لانے کیلئے کوششیں تیز، خورشید شاہ اور شوکت بسرا متحرک۔ تفصیلات کے مطابق پیپلزپارٹی چھوڑ کر تحریک انصاف میں شامل ہونے جانے والے سید صمصام بخاری کی واپس پیپلزپارٹی میں شمولیت کیلئے آصف زرداری نے پارٹی کے سینئر سرکردہ رہنمائوں کو ٹاسک دیدیا ہے

اور اس سلسلے میں کوششیں تیز کی جا رہی ہیں۔ صمصام بخاری کی بدھ کو خورشید شاہ سے بھی اس حوالے سے ملاقات ہوئی ہے جبکہ شوکت بسرا کے مطابق صمصام بخاری کیساتھ دیرینہ مراسم اور احترام کا رشتہ ہے۔ انہوں نے صمصام بخاری کو پیپلزپارٹی میں شمولیت کی دعوت کی تصدیق کرتے ہوئے کہا ہے کہ توقع ہے کہ وہ اپنی بنیادی سیاسی پارٹی میں واپس آجائیں گے۔