اسلام آباد (مانیٹرنگ ڈیسک) عائشہ گلالئی کے الزامات کیا سامنے آئے پاکستان تحریک انصاف میں ایک بھونچال ہی آگیا ۔ مسلم لیگ(ن) بھی اس معاملے میں کھل کر سامنے آئی اور تحریک انصاف کو آڑے ہاتھوں لیا ۔ پاکستان کی معروف این جی اوز کی خواتین ورکرز نے جہاں عائشہ گلالئی کا ساتھ دیا وہیں نہ صرف تحریک انصاف کی خواتین ورکرز کپتان کی حمایت میں بولیں بلکہ
نواز شریف کی پارٹی کی خواتین ورکرز نے بھی کپتان کا کھل کر دفا ع کیا ۔ حقیقت ابھی سامنے انہیں آئی تاہم اس پر جتنی سیاست کی گئی اس کے قابل افسوس پہلو بھی دیکھنے کو ملے ۔ ایک طرف تو عائشہ گلالئی کی بہن کو تنقید کا نشانہ بنایا گیا تو دوسری طرف عمران خان پر تنقید کرنے ولے اس قدر گر گئے کہ انہوں نے مرحوم امجد صابری کے ورثا کی عزت کا بھی خیال نہ کیا اور صابری مرحوم کی شہادت کے بعد عمران خان کی جانب سے کی جانے ولی تعزیت کو انتہائی غلط رنگ دینے کی کوشش کی گئی ۔ تحریک انصاف کی جانب سے کہا جا رہا تھا کہ ان کے لیڈر تو وہ ہیں جو خاتون کو آنکھ اٹھا کر بھی نہیں دیکھتے تو جواباً تحریک انصاف کے مخالفین نے انتہائی بیہودگی کا مظارہ کرتے ہوئے سوشل میڈیا پر یہ پراپیگنڈہ کیا کہ آپ کے کپتان اگر آنکھ اٹھا کر نہیں دیکھتے تو صابری مرحوم کے گھر جا کر ان کی بیٹی کو عمران خان کس طرح دیکھ رہے ہیں ؟ حالانکہ صاف دیکھا جا سکتا ہے کہ عمران خان صابری مرحوم کی بیٹی کے سر پر ہاتھ رکھ کر اسے دلاسہ اور تسلی دے رہے ہیں ۔ مخالفین کے اس نازیبا حملے کے بعد نہ صرف پی ٹی آئی بلکہ پورے پاکستان کی عوام کی طرف سے شدید ردعمل دیکھنے میں آرہاہے ۔
