اسلام آباد(مانیٹرنگ ڈیسک)نواز شریف اور مریم نواز کے اثاثوں میں بل گیٹس کی سالانہ دولت میں اضافے کے مقابلے میں زیادہ اضافہ ہوا، معروف صحافی و تجزیہ کار ارشد شریف کا نجی ٹی وی کی پانامہ کیس کے حوالے سے خصوصی نشریات میں انکشاف۔ تفصیلات کے مطابق نجی ٹی وی کی پانامہ کیس کی سماعت کے حوالے سےخصوصی نشریات کے دوران معروف صحافی و تجزیہ کار ارشد شریف نے انکشاف کرتے ہوئے
بتایا ہے کہ اگر نواز شریف کی پہلی وزارت عظمیٰ کے دور کا جائزہ لیا جائے تو یہ حقیقت کھل کر سامنے آئے گی کہ دنیا کے امیر ترین شخص بل گیٹس کی سالانہ دولت میں اضافے کے مقابلے میں نواز شریف اور مریم نواز کے اثاثوں میں حیرت انگیز طور پر اضافہ ہوا۔ اس موقع پر پروگرام میں موجود ایک اور صحافی و تجزیہ کار سمیع ابراہیم کا کہنا تھا کہ اب بھی کسی کو نواز شریف صاحب کی کارکردگی پر شک ہو سکتا ہے۔
