اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر صحافی سمیع ابراہیم نے کہا ہے کہ نجی ٹی وی چینل ’’جیو نیوز‘‘ کے ایک بہت بڑے اینکر ہیں اور وہ ہرہفتے ایک پروگرام بھی کرتے ہیں۔ وہ اینکر اندھا دھند حکومتی حمایت کرتے ہیں اور وہ یہ سب اس لئے کر رہے ہیں کہ وہ امریکہ میں سفیر لگنا چاہتے ہیں۔ وزیر اعظم نواز شریف کی صاحبزادی (شہزادی) مریم نے اس اینکر کو یہ باور بھی کروایا ہے کہ وہ انہیں امریکہ میں سفیر لگوا دیں گی۔ سمیع ابراہیم نے کہا کہ جہاں پر ہر چیز کی ایسی قیمت لگی ہوئی ہو وہاں انصاف کیا ہوگا۔

دوسری جانب نجی ٹی وی پروگرام میں گفتگو کرتے ہوئے سینئر صحافی رئوف کلاسرا نے انکشاف کیا ہے کہ1999 میں جمائمہ خان نے570ڈالرز کی ملتانی ٹائلز لاہور سےخرید کراپنی والدہ کو گفٹ کیںتونواز حکومت نےانکےخلاف مقدمہ درج کروادیا تھاکہ یہ ہماری ثقافت جو چوری کرکے لے جا رہی ہیں۔ یہ واقعہ 12 جنوری 1999 کاہے۔ اس وقت عمران خان کی اہلیہ جمائما خان نے بڑی چاہت سے شاہکار ملتانی ٹائلزلاہور سے خرید کر اپنی والدہ کو تحفتاََ بھجوائی تھیں ۔ اس پر نواز حکومت نے ان پر باقاعدہ مقدمہ درج کر دیا تھا اور انہیں اس میں ذلیل کرنے کی کوشش کی تھی۔ مریم جو اقدار کی باتیں کرتی ہیں اس وقت ان کی اقدار کہاں تھی؟ جمائما بھی کسی کی بہن، بیٹی تھی۔