اسلام آباد (نیوزڈیسک )پاکستانی ردعمل پرامریکیوں کی پریشانی مزیدبڑھ گئی،امریکی سینیٹرز نے پاکستان کا دورہ کیوں کیا؟ حیرت انگیزانکشافات، تفصیلات کے مطابق معلوم ہوا ہے کہ امریکی سینیٹرز بھارتی وزیر اعظم نریندر مودی کے دورہ امریکہ کے بعد پاکستان کے تحفظات پرپیدا ہونے والی پریشانی کے باعث پاکستان آئے۔

دورے کے دوران پاکستان کو اطمینان دلانے کی کوشش کی گئی جس پر پاکستان نے مقبوضہ کشمیر میں انسانی حقوق کی خلاف ورزی پر بات نہ کرنے پر امریکی سینیٹرز سے احتجاج بھی کیا۔میڈیا کے مطابق امریکی سینیٹرز نے دورہ پاکستان کے دوران خاص طور پر وزارت خارجہ کا دورہ بھی کیا جہاں انہوں نے مشیر خارجہ سرتاج عزیز کے ساتھ مذاکرات ہوئے جس کا بنیادی مقصد بھارتی وزیراعظم کے دورہ امریکہ کے بعد پیدا ہونے والی صورتحال پر پاکستان کے جاری کیے گئے تفصیلی بیان اور تحفظات پر بات کرنا تھا۔ پاکستان نے بھارتی وزیر اعظم سے کشمیر میں بھارتی فوج کی انسانی حقوق کی خلاف ورزیوں سے متعلق پالیسی وضع نہ ہونے پر بھی تحفظات کا اظہار کیا۔میڈیا رپورٹس میں بتایا گیا کہ امریکی سینیٹرز کے وفد نے یقین دہانی کروائی کہ مقبوضہ کشمیر کے حوالے سے امریکہ کا موقف واضح ہے۔پاکستان اور بھارت کو مل کر کشمیر کا تنازعہ حل کرنا چاہئیے اور امریکہ اس معاملے میں کردار بھی ادا کرنے کو تیار ہے۔پاکستان نے جنوبی ایشیا اور افغانستان کے حوالے سے پالیسی واضح کرنے کا بھی کہا اور امریکہ کے افغان امن عمل پر عدم دلچسپی پر بھی تحفظات کا اظہار کیا۔