نوابشاہ(آن لائن) صوبہ سندھ کے شہر نوابشاہ کے قریب آئل ٹینکر کو حادثہ پیش آِیا جس کے بعد اس میں آگ لگ گئی۔تاہم کوئی جانی نقصان نہیں ہوا ،یہ حادثہ قومی شاہراہ پر قاضی احمد کے قریب پیش آیا جبکہ پولیس کے مطابق آئل ٹینکر میں ہزاروں لیٹر پیٹرول موجود ہے۔پولیس نے بتایا کہ جائے وقوع پر فائر بریگیڈ تاحال نہیں پہنچ سکی ہے۔پولیس نے جائے وقوعہ کو گھیرے میں لے لیا تاکہ کسی جانی نقصان سے بچا جاسکے ۔خیال

رہے کہ عید الفطر سے ایک روز قبل اتوار کو احمد پور شرقیہ کے قریب قومی شاہراہ پر ٹینکر الٹ گیا جس کے نتیجے لگنے والی آگ کے باعث 192 افراد ہلاک ہوچکے ہیں جبکہ متعدد زخمی اب بھی زیر علاج ہیں۔حادثہ صبح 6بجکر 20 منٹ پر پیش آیا، کراچی سے بہاولپور جانے والے آئل ٹینکر میں 25000 لیٹر تیل تھا۔عوام نے گرے ہوئے تیل کو اٹھانا شروع کردیا اور اس دوران آئل ٹینکر دھماکے سے پھٹ گیا۔

موضوعات:آئل ٹینکر