اسلام آباد(مانیٹرنگ ڈیسک)وزیراعظم نواز شریف کو آرمی چیف جنرل باجوہ کا پارا چنار جانا اور دھرنا ختم ہونا پسند نہیں آیا، سینئر صحافی و تجزیہ کار ڈاکٹر شاہد مسعود کی نجی ٹی وی پروگرام میں گفتگو۔ تفصیلات کے مطابق نجی ٹی وی پروگرام میں گفتگو کرتے ہوئے سینئر صحافی و تجزیہ کار ڈاکٹر شاہد مسعود کا کہنا تھا کہ وزیراعظم نواز شریف کو پارا چنار جانے سے ان کے قریبی لوگوں نے یہ کہہ کر روک دیا کہ ان کا وہاں جانا مناسب نہیں وہاں ان کے
خلاف نعرے بازی ہو سکتی ہے۔ ڈاکـٹر شاہد مسعود کا کہنا تھا کہ وزیراعظم نواز شریف کو آرمی چیف جنرل باجوہ کا پارا چنار جانا اور دھرنا ختم ہونا پسند نہیں آیا، وزیراعظم کو جیسے ہی پتہ چلا کہ آرمی چیف پارا چنار جا رہے ہیں تو انہوں نے اپنے قریبی رفقا سے مشورہ کیا کہ اس موقع پر مجھے کیا کرنا چاہئے تو انہیں مشورہ دیا گیا کہ آپ افغان معاملے پر وزارت خارجہ میں بریفنگ لیں جس پر وزیراعظم کو وزارت خارجہ میں افغانستان پر بریفنگ کے انتظامات کئے گئے۔
