اسلام آباد (آئی این پی) وزیراعظم کے معاون خصوصی آصف کرمانی نے کہا جے آئی ٹی پرویز مشرف اور عمران خان کو طلب کرکے جو کمی رہ گئی وہ بھی پوری کرلے،جے آئی ٹی نواز شریف کے مخالفین کوبطور گواہ طلب کرکے بیان لے رہی ہے، پانامہ کیس میں شامل دوسرے سیاستدانوں کے نا موں پرمکمل خاموشی ہے کیا یہ سیاستدان آئین اور قانون سے بالاتر ہیں، ہم سب سے کچھ دیکھ رہے ہیں، اور نواز شریف کے ساتھ کھڑے ہیںِ۔

تفصیلات کے مطابق جمعہ کو آصف کرمانی نے اپنے بیان میں کہا کہ جے آئی ٹی نے نواز شریف کے مخالفین کو بھی بطور گواہ طلب کرکے بیان لیے ہیں۔ جے آئی ٹی جنرل مشرف اور عمران خان کو بھی بطور گواہ طلب کرلے۔ مشرف ،عمران خان کو طلب کرکے جو کمی رہ گئی وہ بھی پوری کرلے۔پانامہ کیس میں نواز شریف کا نام نہیں ہے۔پانامہ کیس پیپرز میں شامل کئی دوسرے سیاستدانوں کے ناموں پر خاموشی کیوں ہے؟ کیا یہ سیاستدان آئین اور قانون سے بلاتر ہیں؟ محمد نواز شریف نے پاکستان کو ایٹمی قوت بنایا۔آصف کرمانی نے مزید کہا کہ محمد نواز شریف نے ملکی معیشت کو مضبوط ،ترقی وخوشحالی کی راہ پر گامزن کیا۔ ہم سب دیکھ رہے ہیں اور محمد نواز شریف کے ساتھ کھڑے ہیں۔