لندن (این این آئی)برطانوی خبر رساں ایجنسی نے کہاہے کہ اگر جے آئی ٹی نے وزیر اعظم نواز شریف کو نا اہل قرار دیا تو ملک میں افراتفری پھیلنے کا خدشہ ہے ۔بدھ کو وزیر اعظم نواز شریف کی جے آئی ٹی میں طلبی کے سمن کے بعد برطانوی خبر رساں ایجنسی نے ایک رپورٹ جاری کی ۔رپورٹ کے مطابق نواز شریف کی نا اہلی کے بعد ان کی پارٹی تو اقتدار میں رہے گی تاہم اس سے ملک میں افراتفری پھیلنے کے خدشات ہیں ۔ رپورٹ میں کہاگیا کہ یہ سب ایسے وقت میں
ہو رہا ہے جب کئی سال بعد پاکستان معاشی طور پر ابھر رہا ہے اور ملک میں سیکورٹی کی صورتحال میں بھی بہتری آئی ہے ۔ رپورٹ میں کہا گیا کہ نواز حکومت اور نئی امریکی انتظامیہ کے تعلقات بہتری کی جانب گامزن ہیں ٗامریکی نیشنل سیکورٹی ایڈوائزر ایچ آر McMaster نے نواز شریف کو بتایا کہ نئی امریکی انتظامیہ افغانستان میں امن اور استحکام کے حصول کے لئے پاکستان کے ساتھ دو طرفہ تعلقات کو مستحکم کرنے میں مصروف عمل ہے ۔
