اسلام آباد(مانیٹرنگ ڈیسک) وزیراعظم نوازشریف نے 15جون دوپہر11بجے پاناماکیس کی تحقیقات کرنے والی جے آئی ٹی کے سامنے پیش ہوناہے لیکن وزیراعظم کی پیشی سے قبل ہی شاہراہ دستور پر سپریم کورٹ کے سامنے نواز شریف کے حق میں خیر مقدمی بینرز لگا دیئے گئے۔نجی وی کے مطابق وزیراعظم نوازشریف نے 15جون بروزجمعرات کوجے آئی ٹی کے سامنے پیش ہوناہے لیکن اس وقت شاہراہ دستور،آغاخان

روڈاورسپریم کورٹ کے سامنے وزیراعظم کے حق میں خیرمقدمی بینرزآویزاں کردیئے گئے ہیں ۔یہ بینرزمسلم لیگ (ن) کے سینیٹرعباس خان آفریدی کی جانب سے لگائے گئے ہیں ،ان بینرزپروزیراعظم نوازشریف کے حق میں نعرے ’’قدم بڑھائونوازشریف ،ہم تمھارے ساتھ ہیں ‘‘جبکہ ان بینرزپروزیراعظم نوازشریف کے ساتھ ساتھ وزیراعلی پنجاب شہبازشریف اورمریم نوازکی تصویریں بھی لگائی گئی ہیں ۔

موضوعات:بینرز پاناماکیس جے آئی ٹی