کراچی(مانیٹرنگ ڈیسک) کراچی میں گزشتہ ماہ پکڑی جانے والی گدھے کی کھالوں سے متعلق سوال پر کلیکٹرکسٹمز نے کہاہے کہ ان کومعلوم نہیں ان گدھوں کاگوشت معلوم کہاں گیا؟۔کراچی کسٹمز کلب میں کلیکٹر کسٹمز سیف الدین جونیجو نے میڈیاسے گفتگوکرتے ہوئے کہاکہ بڑے پیمانے پر شراب کے علاوہ غیر ملکی گٹکا سگریٹ نان کسٹم پیڈ گاڑیاں اور اسمگل شدہ ڈیزل تحویل میں لیا گیا ہے15ملزمان بھی پکڑے گئے۔
نجی ٹی وی کے مطابق ہزاروں گدھوں کی کھالیں تو پکڑی گئیں لیکن گوشت کہاں گیا ؟ کلیکٹر کسٹمز سیف الدین جونیجو کاکہناہے یہ ہمیں نہیں معلوم کہ کھالیں اتارنے کے بعد گدھوں کاگوشت کہاں گیا۔سیف الدین جونیجو نے کہاکہ سمگلگ کے خلاف موثر کارروائیوں کے لیے 29 کروڑ کے فنڈ میں سے دو پیٹرولنگ بوٹس شپ یارڈ سے تیار کرائی جارہی ہےتاکہ مستقبل میں ایسے واقعات کی موثرروک تھام کی جاسکے ۔
