اسلام آباد (مانیٹرنگ ڈیسک )وزیراعظم کی جمعرات کے روز جے آئی ـٹی کے سامنے پیشی، دعا کی اپیل کر دی گئی، لیگی کارکنوںکو جوڈیشل اکیڈمی آنے سے روک دیا گیا۔ تفصیلات کے مطابق وزیراعظم نواز شریف کی جمعرات کے روز جے آئی ٹی کے سامنے پیشی کے موقع پر کارکنوں کو جوڈیشل اکیڈمی آنے سے روکتے ہوئے ان سے دعا کی اپیل کر دی گئی ہے۔
میڈیا رپورٹس کے مطابق وزیراعظم کے معاون خصوصی آصف کرمانی کا اس حوالے سے کہنا ہے کہ وزیراعظم نواز شریف نے کارکنوں سے دعا کی اپیل کرتے ہوئے کہا کہ کارکن پارٹی کا سرمایہ ہیں اور وزیراعظم ان کے جذبات کی قدر کرتے ہیں تاہم انہوں نے جمعرات کے روز جے آئی ٹی کے سامنے پیشی کے موقع پر کارکنوں کو جوڈیشل اکیڈمی آنے سے منع کیا ہے۔
