ملتان (مانیٹرنگ ڈیسک) ملتان کے رہائشی 82 سالہ بزرگ نے 62 سال مسلسل اذان دینے کا ورلڈ ریکارڈ قائم کر دیا، تفصیلات کے مطابق مدینۃ الاولیا ملتان لے رہائشی 82 سالہ بزرگ صوفی نعمت علی انصاری بطور مؤذن جماع مسجد جناز گاہ ، لوہا مارکیٹ میں 12 ستمبر 1957 سے بلا وظیفہ خدمات سر انجام دے رہے ہیں،

صوفی نعمت علی انصاری اب تک ایک لاکھ 6 ہزار مرتبہ سے زیادہ اذان دے چکے ہیں جو کہ پوری دنیا میں اپنی نوعیت کا منفرد ورلڈ ریکارڈ ہے۔ ایک قومی اخبارکی رپورٹ کے مطابق 1 لاکھ سے زائد مرتبہ اذان دینے کے باوجود بھی صوفی نعمت کی خوش الحانی میں کوئی کمی واقع نہیں ہوئی بلکہ ان کی اذان میں تاثیر روز بڑھتی چلی جا رہی ہے۔