اسلام آباد (مانیٹرنگ ڈیسک) ریلوے لائن عبور کرنے کی کوشش کرنے والی لڑکی تیز رفتار ٹرین کے نیچے آنے کے باوجود معجزانہ طور پر بچ گئی۔ بھارتی میڈیا کے مطابق انیس سالہ پرتیکشا ناٹیگر کانوں میں ائیرفون لائن ریلوے لائن عبور کرنے کی کوشش کررہی تھی اس نے اچانک سامنے سے آنے والی تیز رفتار ٹرین کو دیکھا ٹرین کو دیکھتے ہی لڑکی کے اعصاب نے کام کرنا چھوڑ دیا اور وہ پلیٹ فارم پر چڑھ نہ
سکی، اس دوران اُس نے بھاگ کر واپس جانے کی کوشش کی تو ریل کا انجن قریب آگیا اور اُسے زور دار ٹکر لگی۔انجن کی ٹکر لگنے سے لڑکی پٹڑی پر منہ کے بل گری اور ٹرین اُس پر چڑھ گئی، اس دوران پلیٹ فارم پر کھڑے لوگوں نے یہی سمجھا کہ شاید لڑکی بچ نہ سکے مگر جیسے ہی گاڑی رُکی تو وہ اٹھ کھڑی ہوئی اور وہاں موجود لوگ حیرانی سے اُسے دیکھنے لگے۔ جسے اللہ رکھے اُسے کون چکھے کی مثال اس لڑکی پر صادق آتی ہے کہ جب وہ کھڑی ہوئی تو اُس کے سر اور چہرے پر معمولی چوٹیں تھیں
