اسلام آباد (مانیٹرنگ ڈیسک)حسین نواز کا اسلام آباد میں موجود شاپنگ مال کا دورہ، لوگ وزیراعظم کے بیٹے کے ساتھ سیلفیاں بناتے رہے، معروف کرکٹر اور اداکار کی طرح سلوک، نجی ٹی وی پروگرام کے اینکر کامران شاہدنے شریف خاندان کی مقبولیت کے حوالے سے دلچسپ دعویٰ کر دیا۔ تفصیلات کے مطابق نجی ٹی وی پروگرام کے اینکر کامران شاہد نے دعویٰ کرتے ہوئے کہا ہے کہ پانامہ کیس اور جے آئی ٹی کی کارروائی کے بعد شریف خاندان سے متعلق پیدا ہونے
والا تاثر منفی نہیں بلکہ آج بھی ان کی مقبولیت اسی طرح ہے۔ انہوں نے اس حوالے سے حسین نواز کے اسلام آباد کے ایک شاپنگ مال کے دورہ کے موقع پر لوگوں کے ان کے ساتھ سلوک کا ذکر کرتے ہوئے بتایا کہ جب حسین نواز شاپنگ مال میں پہنچے تو وہاں موجود لوگوں نے انہیں کسی معروف کرکٹر اور اداکار کی طرح سلوک کرتے ہوئے انہیں روک کر ان کے ساتھ سیلفیاں بنوائیں۔کامران شاہد کا کہنا تھا کہ شریف خاندان کی مقبولیت میں کوئی کمی نہیں آئی ۔
