اسلام آباد(مانیٹرنگ ڈیسک)پاکستان تحریک انصاف نے سندھ میں پیپلزپارٹی کو شدید دھچکا پہنچانےکیلئے اپنی سرگرمیاں تیز کر دی ہیں۔ صوبے کی حکمران جماعت سے تعلق رکھنے والے 6سے زائد ارکان اسمبلی نے پس پردہ رابطوں میں پی ٹی آئی قیادت کو پارٹی میں شمولیت کی یقین دہانی کرادی۔ بلوچستان کے ایک مقامی اخبار کی رپورٹ کے مطابق سندھ کی حکمران جماعت سے تعلق
رکھنے 6سے زائد ارکان اسمبلی پس پردہ رابطوں میں پی ٹی آئی قیادت کو پارٹی میں شمولیت کی یقین دہانی کروا چکے ہیں جبکہ عمران خان کی آئندہ دورہ سندھ کے موقع پر صوبے کے سیاسی منظر نامے میں ڈرامائی تبدیلی کا امکان ہے۔ رپورٹ کے مطابق ذرائع نے دعویٰ کیا ہے کہ شکار پور، میرپور خاص، دادو، گھوٹکی ، حیدر آباد ڈویژن، لاڑکانہ اور میرپور خاص سے تعلق رکھنے والے پیپلزپارٹی کے کئی اہم رہنما اس وقت تحریک انـصاف کی قیادت سے رابطے میں ہیں۔دوسری جانب آصف علی زرداری نے صورتحال کی سنگینی کو محسوس کرتے ہوئے پارٹی رہنمائوں کو فوری طور پر ناراض ارکان اسمبلی سے رابطہ کرنے کی ہدایت کی ہے۔ واضح رہے کہ اس سلسلے میں آصف زرداری آئندہ عام انتخابات میں پیپلزپارٹی کے ہاتھوں سے سرکتے حالات کو سنبھالا دینے کیلئے خود بھی سرگرم ہیں اور پنجاب میں ناراض اہم رہنما ڈاکٹر فردوس عاشق اعوان کو منانے کیلئے ان سے ملاقات بھی کر چکے ہیں۔دوسری جانب آصف علی زرداری نے صورتحال کی سنگینی کو محسوس کرتے ہوئے پارٹی رہنمائوں کو فوری طور پر ناراض ارکان اسمبلی سے رابطہ کرنے کی ہدایت کی ہے۔ واضح رہے کہ اس سلسلے میں آصف زرداری آئندہ عام انتخابات میں پیپلزپارٹی کے ہاتھوں سے سرکتے حالات کو سنبھالا دینے کیلئے خود بھی سرگرم ہیں اور پنجاب میں ناراض اہم رہنما ڈاکٹر فردوس عاشق اعوان کو منانے کیلئے ان سے ملاقات بھی کر چکے ہیں۔
