اسلام آباد(مانیٹرنگ ڈیسک)پانامالیکس کے مقدمے کے فیصلے اورنیوزلیکس کی وجہ سے مریم نواز’’اعصابی کمزوری کاشکارہوگئی ہیں ۔تفصیلات کے مطابق گزشتہ ر وزپمزمیں مریم نوازاپنے شوہرکیپٹن (ر)محمدصفدراوروزیرمملکت مریم اورنگزیب کے ہمراہ ایمرجنسی میں لائی گئیں جہاں پمزمیں ان کاطبی معائنہ کیاگیااورساتھ ہی ان کے مختلف ٹیسٹ بھی لئے گئے جوکلیئرآئے ۔اس موقع پرپمز کے وائس چانسلربھی ساتھ رہے ۔
معتبر ذرائع نے بتاہے کہ گزشتہ روز پمز ہسپتال کے شعبہ نیورولوجی میں ڈاکٹر سہیل راؤ نے وزیر اعظم میاں محمد نواز شریف کی بیٹی مریم صفدر کا چیک اپ کیا اور ڈاکٹر اس نتیجہ پر پہنچا کہ ریڑھ کی ہڈی سمیت دیگر ہڈیوں کی ایم آر آئی کروانے کے ساتھ مزید اہم ٹیسٹ لکھ کر دئیے جس کے نتیجہ میں مریم صفدر نے ایم آر آئی کروائی تو ڈاکٹر نے وقتی طو رپر تو کلیئر کر دیا مگر اعصابی بیماری کی تشخیص پائی گئی جس پر ڈاکٹر نے انہیں مزید ٹیسٹ لکھ کر دیئے اور ریسٹ کا بھی مشورہ دیا، ایک قومی اخبارکی رپورٹ کے مطابق مریم نواز کی اعصابی تنائوکی بیماری سامنے آنے پر پمزکے شعبہ نیوروسرجری کے ڈاکٹر راؤ سہیل کو اپنے دفتر بلا کر خصوصی چیک اپ کروایا گیا، بعد ازاں ڈاکٹر سہیل کے مشورہ پر ریڑھ کی ہڈی اور ٹانگوں کی ایم آر آئی کرائی گئی۔ذرائع کے مطابق ڈاکٹر نے مریم نوازکو تسلی دیتے ہوئے کہا کہ سب ٹیسٹ کلیئر ہیں ،آپ کوصرف اعصابی مسئلہ ہے جو ریسٹ سے ٹھیک ہو جائے گا تاہم وائس چانسلر جاوید اکرم کی ہدایت پر ڈاکٹر سہیل نے مزید ٹیسٹ لکھ کر دیئے جو کہ بہت جلد کئے جائیں گے ۔مریم نوازاس طبی معائنے کے بعد اپنے شوہرکے ہمراہ واپس چلی گئیں ۔۔پمزذرائع کے مطابق مریم نوازکی آمد کوہسپتال میں خفیہ رکھاگیالیکن بعد میں میڈیاکے کچھ نمائندے وہاں پرموجود تھے جس کی وجہ سے ان کی بیماری کی خبرمیڈیاپرآگئی تاہم پمزنے حتمی طورپران کے معائنے کی تصدیق یاتردید نہیں کی ہے ۔
