اسلام آباد(مانیـٹرنگ ڈیسک)افغان خفیہ ایجنسی این ڈی ایس سفارتی آداب بھول گئی، کابل سے پاکستانی سفارتخانے کے دو اہلکار اغوا۔ میـڈیا رپورٹس کے مطابق کابل ائیرپورٹ سے پاکستانی سفارتخانے کے دو اہلکار جن میں ایک پروٹوکول آفیسر اور ایک ڈرائیور شامل ہیں
مبینہ طور پر اغوا کر لئے گئے ہیں۔ خدشہ ظاہر کیا جا رہا ہے کہ یہ دونوں افراد اس وقت افغان خفیہ ایجنسی کی تحویل میں ہیں ۔ حکومت پاکستان نے افغان خفیہ ایجنسی کے ہاتھوں مبینہ طور پر اغواہونے والے دونوں پاکستانی سفارتخانے کے اہلکاروں کے حوالے سے افغانستان سے رابطہ کیا ہے ۔
