لاہور( این این آئی)چیئرمین قومی احتساب بیورو قمرزمان چوہدری کے حق میں بھی بینرز آویزاں کر دئیے گئے ۔نا معلوم افراد کی طرف سے مال روڈ پر آویزاں کئے گئے بینرز پر چیئرمین نیب ’’ اللہ کے خاص آدمی ہیں ‘‘ ،’’ غریبوں کی امانت میں خیانت کرنے والوں کو سخت سزا دو ‘‘ سمیت مختلف تحاریر لکھی گئی ہیں ۔

واضح رہے کہ اس سے قبل پاکستان کے وفاقی دارالحکومت کے جڑواں شہر راولپنڈی میں فوج کےسابق سربراہ جنرل(ر) راحیل شریف کے حق میں بھی بینرز آویزاں کیے گئے تھے۔ان بینرز میں سیاسی جماعتوں سے کہا گیا تھاکہ آئین میں سرکاری ملازمین کے سیاست میں حصہ لینے پر پابندی کی مدت 2 سال سے کم کر کے ایک سال کی جائے تاکہ 2018 کے عام انتخابات میں راحیل شریف حصہ لے سکیں۔